قوچ قوزو قربان رضا
قوچ قوزو قربان رضا
دكتر علي كمالي
به به عجب بسله دی مكتب-ي قرآن سنی قابل فيض ائيله دی قدرت-ي ايمان سنی
مام وطن سسله دی گل گؤزل اوغلان سنی دين مبين ايسته دی قوچ قوزو قربان سنی
الده مسلسل تفنگ، بئلده قطار فشنگ باشدا نوار سه رنگ، عازم ميدان جنگ
خصمه ائدن عرصه تنگ، نخبه گردان و هنگ اكبره بنزر قشنگ، ائيله دی دوران سنی
يازدی چيچكلر نه خوش، تازه ديلر ترديلر چيخدی گونش لاله لر، گوللرينی سرديلر
اما رضا جان سنی غنچه اكن درديلر سينسين الی گلچينين ائتدی پريشان سنی
گئتدی بالام گلمه دی داخی نئجه يوخلارام خسته-ي هجرانيام هر گئجه سايوخلارام
هر ايگيده گؤز تيكيب هر گولو من قوخلارام بلكه تاپام قوخلويام بيرده رضا جان سنی
اؤلسم آجيندان اگر من قانيوی ساتمارام قانيوه قان ائتمه سم راحت اولوب ياتمارام
قتليوه باعيثلری اؤزگه لره قاتمارام دونيا يئين لر ائديب قانيوه غلطان سنی
بيلمرم الله نئجه چيخدی بالامين جانی جانی چيخنده نئجه گؤردو بو پيس دونيانی
قانلی گؤزونن نئجه گؤزله دی هر بير يانی سؤيله نه مدت گئچيب تا آپاريب قان سنی
جام شهادت ايچيب وئردی رضا جانينی حقدی كه بيز دولاياك ايندی اونون قانينی
ائتدی كمالی قلم تك تك مژگانينی جوهر ائديب گوز قانين اوخشادی الان سنی
قايناق: ميصيرقان وئبلاگي
بو وئبلاگ آذربایجان یوردونون قاراقان بولگه سينین ادبی، مدنی، کولتورل و ایجتیماعی ساحه سينده چالیشماقا چالیشیر و بو یولدا بوتون یاردیم ائدن یولداشلارین الین سیخیر.