آچیقلاما:بو شعر قارلوق وئبلاگیندان آلینیبدیر. قارلوق ساوا قاراقانینین گؤزل کندلریندن بیری دیر. شاعر علی محمد نادری اوشاقلیق خاطیره لرین و اونا اولان نیسگیل لرین گؤزل دویغو ایلا نظمه چئکیبدیر. شعرین هانسی کنده عایید اولدوقونا باخمایاراق هامیمیزین گئچمیشیمیزی تصویره چئکیر. سایین نجفی وئبلاگین مودورو بو شعری کندین دوغا و شعرده ایشله نن یئرلر ایله بزه دیبدیر. بو ایش شعرده اولان دویغونو داها دریندن جانا سیندیریر.


             گئچن گونلر

گئچن گونلر تئز گئچدی یوخو کیمین                                                    

اوشاخلوگدا آخدو گدی سو کیمین

کاش اولایدو گنه او گون گلیدی

قوزو اولاق داوارلوقدا ملردی

گون چیخمه میش نه نم داوار ساقاردو

چؤلده داغدا چوبان داوار یایاردو

ایننه دیلر چخین  داوار  قاتماگا

چپیش لری ساخلاماگا ساتماگا 

 

سرو گئددی چای یوخارو داغ چؤله سو ایچمگه آخدو داغدان دول دوله بهار گونو قیز گلیننر]گلینلر[ آچاندا گؤی بلوط لار داغ اوستوننن ]استوندن[ آشاندا گون چالاندا یاقوش توتوب یاقاندا داش بیخینده قوردلار یاتوب دوغاندا شابک ]چپیک[ چالوب اوودن ]ائودن[ چوله قاچاردوک شیهه چئکیب دامدان داما آشاردوک آی خوشودوک خوشا گئچن گوننره ]گونلره[ یئملیک چیخیب سقیز چیرتن گوننره باهار وقتی داوار سوتون ساقاندا سوت اؤلچنده بیر بیرینه قاتاندا سوت لر دولوب قاب قاشیق لار داشاردو قازان ناردا قاتوق قیزیب اشاردو بوگون نرده تولوخ آتماک وقتی دی دوروم لره کره یاخماک وقتی دی او دورومو لذتینن یئیردیک بایدا لاروی ]بایدالارین[ تورش ایرانون ایچردیک آه! ننه جان هارا گئددی؟ کند هانو؟ سن اولماسای نه او نه کند جان نانو ]جانلانار[ زهراخالا بیزه چؤرک یاپاردو اون سفراسون آچوب کونده سالاردو طاباق دیبین سیلیب کؤکه یاپاردو کولانو دان یین مونجوخ تاپاردو زهراخالا اولدو آدو خیر اولسون خوش گوننرده گئچدی یادو خیر اولسون گچن عمرو بیر گوینوم نن گچیرددیم میرزا ابراهیم آذان سسین اشیددیم بو سس منی اوجالوقا آپاردو اوباشدانوی ]اوباشدانین[ مناجاتون چکاردو مشد ولی الله چیخیب داما جار چئکر اهل-ی محل ائشیدین گؤرون نه دئییر؟ ننم دئییر الله گنه نه اولوب؟ اما خبر نتیجه سی خیر اولوب اوستا حمدالله کنده ناهار دئییب دی اوغلونا توی توتوب شاباش وئریبدی عاشق تقی چؤگور چالار بو توی دا خانوم سلطان فتیر یاپار بو بویدا اوستا ولی زحمت چئکر بو جمع ده خدمت ائلر مردوما شادو غمده خیاط ولی توی پالتارون تیکیب دی قیز گلین ده گئییب سورمه چئکیب دی دیب گولمک بو کندده بیر عادت دی مهربانوک بیر بیرینه بدعت دی باهار چیخدی یای گیردی ایش وقتی دی خرمن و باغ ییقیشدیرمک سختی دی زینب بی بی چای چورگی الینده خرمن یولون گدر چور شو بلینده امین عمی اله جو ورالوب دو جنجلی بارلویوب یولا سالوب دو من ده قاچوب خرمن نره گدردیم جنجل منیب خرمن دورون گزردیم نه خوشودوک خوشا گچن گوننره اوت چایوسون توکوب ایچن گوننره ممد عمی دکان قاپوسون آچاندا هر جنسدن ده توکوب اونو ساتاندا خرم جلیک آلوب تزجه قاچاردوم هرنه گوروب او دکاندا آلاردوم مشد عباس کتیل چکر خرمنه سید دیر بیر باتمان دا امام حقی ور منه حکیم "ظالم بو دودمانا یوخ اولسون خرمن نری برکتی چوخ اولسون آی خوشودوک خوشا گچن گوننره گوی کوزنی سویون ایچن گوننره یای گوننری یاقوتولار چاتاندا سالخوم باسوب موو"لر یره یاتاندا دووار اوستن آشوب"باغا گیرر دیک اوزوم لردن دریب گیزلیم ییردیک اوزوم درمک"بادام بقمک یتیش دی شکور الله"بوکنده بیر بهشت ده یای چیخممیش باغ دا اوزوم درردیک سبد "سبد برگاه لارا سرر دیک کار خانا دااوزوملری ازردیک آق تورپاقو توکوب اونو سوزردیک آی شادودوک"خوشا گچن گوننره دامدا یاتوب اولدوز سچن گوننره مش دوستعلی داوار کسیب اونده چخیب داما ایننیر پیچاخ بلینده ماسو خالا"کرمان" ایگین سارور دو داوار یونگون دیدیب اوه قالوردو سارای خالاآق ترپاقو ازرده قیش اوونو سیلیب لاوا چکرده مصمه خالابگ جورابون توخوردو جوان نوگون یادا سالوب اوخوردو مدینه خالا ارشتنی کسردی دسته دسته طناب اوسته سرردی ملا لار دا"مکتب لری دایردی هر قالا دا مکتب لرین "ایردی سید لری حکیم لیگی دعاسو سیداکبر گوزه توکن دواسو سید تقی جین ورانو پرپیلر تمام دعا یازار جینی ترد الر عزیز بگی رادیوسو"گرامو سوزیرینده ادب لی بیر کلامو حاج رضاعلی ابهتی هیبتی سوزه دوران کشیلیگی غیرتی مشد مصطفی اشین بیلن کشیدی ملکه چاتماک باغ سووارماک ایشیدی آیاز گچه آی ایشیقی دوشنده سو سسلنیب داشدان داشا دینده گچه قوشو ارخدن سویون ایچنده آی آخاندا داغ دالونا گچنده یدالله عمی گچه سویا گدردی یادا سالوب گچن گونن دیردی آی خوشودوک خوشا گچن گوننره داوارسسی کنده دوشن گوننره چبت چیلواروبوخچاسونو آچاندا کند قیزلری صف باقلویوب باخاندا فاطما خالا اوغلونا قیز بگنده صفر قیزین گوروب اونو بگندی گلین باجو اوشاق اولماک وقتی دی اما بو ایش بیلسینه سختی دی رقیه خالاجیزیخ چکر دووارا جیزیخ قویمازآل اوشاقو آپارا ملا دیر اوشاق چیخین داملارا آذان چکین "آلو قوون داغلارا کور سو چیخدی تابلامانو"یقیش دیر قیش او ونوی اوت اوجاقون آلوشدور چولمک لری سوت آشونو قاروشدور کوسن نری بیر بیرینه باروشدور قیش گجسی اوتوماقا گدردیک یاالله "یاالله دیب اووه گچردیک سوز آچولوب اور دان "بوردان"دیردیک قوز بادامدان"اووج"اووج ییردیک آی شادودوک"خوشا گچن گونره قارا قوشلار گویده کوچن گونره قار یاقان دا من ده داما چیخردیم کورک الوب قارو یره تو کردیم قار یقیشیب یر لر" یورد لار "دو لاردو آج قوردلار دا "کند دورونده عولاردو قارو یقیب بیر بیر اوسته توکردیک زاغا کمین قازوب آستون سوکردیک گون با تاندا"کرمه لری قوشاندا اجاق اوسته" آش چولمگی داشاندا اوتو یقیب" کورسو آستونا قویاردوک دیب کشده یاتوب "مگر دویاردوک یاتماک وقتی" ننم سورچک دینده قورد نقلینی" شیرین شیرین سولنده گچی دونون" قورد اینینه گینده آلاداندا" شنگیل منگیل "یینده قورخوسوننان" تز باشوموزچکردیک یقیشیلیب" قوچاقونا" گیرردیک قار یاقوشو شادلوگونان گچرد دیک سویوخ قیشی ایل باشونا "یتیر دیک آی شادودوک"خوشا گچن گوننره داما چخیب قارکوروین گوننره بیر گون چیخدیم یولوم کندن آیوردوم گچن نری اورگیمده سایور دوم یولا دوشدوم"چای یوخارو "باغلارا گوینومدکی سوزو آچام داغلارا ینگی کهریز گنه سویون سوزوردو بولاغ اوتو"سو اوزونده اوزوردو دیزیم وردوم یره سویوننان ایچدیم بیر دسته ده "بولاغ اوتوننان بیچدیم ددیم بولاغ یولچولاردان خبر وار داغکندیه گدننردن اثر وار چولچو لردن گلیب یولدان گچنده دیزین وروب یره"سودان ایچنده سو روشگونان او آتلولار هاردادو چوخ زماندو گچیب "گوزوم یولدادو بیر سس گلدی بیردن یوخوم آیولدو گوینوم دکی خاطره لر اتولدو بیر ایت گوردوم دووار دیبینده عولور زوزه چکیب آیاق چالوب پورسولور منی گوروب بیردن آیاقا دورور قوخوچکیب آیاق چالور پرسولور من دیرم کوپک سنه نه اولوب خریلیوب" دوروب "گوزلری دولوب کوپک دیر: چوخ زمان دو داهو گجه یوخلورام قورد سسینن"لرزه توتوب قورخورام آخ که کنده داهو نفس چکن یوخ قدیر بیلن ایته چورک توکن یوخ بو مکان دا "قاپو پاجا تاپمورام گدیم چوله"اوزم قوردا تاپشورام ددیم کوپک آخو آخر زماندو دوست ودوشمن ایتیب "سوزلر یامان دو بوگون نرده سیچان پیشیک آختارار گوزله سنی پیشیک گوره باسمالار قری ننه جانونا جان قالمویوب عمرون وریب قیمتینی آلمویوب چرخ دولانوب"قاشق بونا "سالمویوب گونر گچیب"آلونا گون چالمویوب طارو مدد وره"گونون گچیرده زیارت دن گلیب" عمرون یتیرده فلک چرخین فرلادو "دولاندو بلینمدی گچن راست دو یالاندو هانسی عمل فانی "هانسو"قالاندو آسدان باشا چکیب"یره چالاندو آی کند "سنی باغ باغاتوی وار اولسون بولاغ لاروی "داشوب باشوی داغ اولسون چوخ سوز لر وار اورگیمده قالوب دور آچولماموش سوزلر"درده ساتلوب دور کاش بیلردیم نگون گوزوی آچولدو؟ گونوی نچه گلیب "نجه باتوردو؟ کیملر سنی آلوب "کیملر ساتوب دور؟ گچن گوندن بیزه"سولچک قالوب دو سالاندوزوی"باغجوقازوی "دول دولوی کتلک لری"قجیرلری"بلبلوی هر یبریسی"خاطره دی بیزلره بولاغ سویوی "قوات ورر دیزلره گدننری آدو"یادو "خیر اولسون گون گورمویان "بودنیادا "او دونیاسو شاد اولسون. علی محمد نادری